مفاهيم الادارة في تكنولوجيا المعلومات-1 ما هي الخدمات وما الفرق بين المشاكل والاعطال


السلام عليكم ورحمة الله وبركاته

اخوتي الكرام اخواتي الفاضلات 

بناءاً على طلب الكثير من الاخوة المتابعين لنشر دروس ومفاهيم عن التقنيات العالمية في مجال ادارة تقنيات المعلومات، وبعد ان تطوع الاخ الاستاذ محمد عبد الله بشرح بعض هذه المفاهيم، نبدأ على بركة الله نشر الدرس الاول من هذه السلسلة ونتمنى منكم التفاعل والتشجيع لتستمر السلسلة ان شاء الله

ملاحظة: سيكون الشرح باللهجة المصرية الحبيبة وسيتم ارفاق رابط الى حساب الفيس بوك للأستاذ محمد للأتصال به في حالة وجود اي سؤال او استفسار ومن الله التوفيق

على بركة الله نبدأ

يعني ايه ادارة خدمات تكنولوجيا المعلومات 
(
IT Service Management)
——————————————-
من وجهة نظري و نظر كثير من الناس في سوق العمل ان اغلب مشاكلنا ادارية يعني عندنا موارد كتير و موظفين فنيا عاليين جدا بس مستوي الخدمات اللي بنحصل عليه غير مرضي دا ليه ؟ ! بسبب ان عندك مشكلة في ادارة الموارد دي و ازاي تقدر تحقق خدمة جيدة . ففعلا عندنا مشكلة في ادارة الخدمات المقدمة و من ابرز المجالات اللي بتعاني من الموضوع دا مجال الخدمات التكنولوجية شوف كام شركة بتقدم خدمات سواء ( انترنت او ايميل او تدريب او اي خدمة) و العملاء بيكونوا غير راضيين عن مستوي الخدمة اللي بيدفعوا فيها فلوس .
فنفهم من كدا اننا محتاجين ادارة سليمة لخدمات التكنولوجيا يبقي من الاخر.
(
ادارة خدمات تكنولوجيا المعلومات) هي كيفية استخدام و ادارة  الموارد و القدرات الموجودة بالمؤسسة لتقديم قيمة للعميل تحقق له النتائج المرجوة بشكل مرضي

1

الفرق بين ال Incident وال Problem
——————————————————————
كتير مننا في مجال ال IT بنسمع عن الكلمتين دول و بنقراهم كتير بس نفسنا نعرف الفرق بينهم و ناس فاكرة ان الاتنين واحد او ان ال Problem هي incident بس كبيرة . لا خالص Absolutely 🙂
ال Incident غير ال Problem خالص ولا ال Incident عمرها ما تبقي Problem
امال ايه الفرق :
ال Incident هي( العطل) بمعني هي اي انقطاع غير متوقع للخدمة او انخفاض في اداءها يعني الخدمة شغالة زي الفل و فجأة حصل مشكلة .
مثلا الجهاز بتاعك شغال و فجأة هنج و دا بيتكرر كل شوية و مش بيشتغل غير لما تعمل Restart دا اسمه (Workaround )
لان لسة العطل موجود وانت بقي تقعد تجرب و تحاول تعرف ال Root Cause السبب الاساسي و اكتشفت في الاخر ان الرامات بايظة و هي دي ال Problem ولما تغير الرامات المشكلة اتحلت اذان المشكلة ان الرامات بايظة و بكدا نفهم ان 
ال Problem (المشكلة ) هي ال Root cause لل Incident او اكتر و لما تحلها العطل يتوقف .
و بالبلدي كدا ال Incident هي العرض ( الاعراض ) واحد بيعطس و حرارته مرتفعة 
و الProblem هي المرض الراجل طلع عنده انفلوانزا
يرحمكم الله 🙂

2

وقبل ان نختم تدوينتنا الاولى اليوم احب اهديكم المحاضرة الاولى في عالم ال

Information Technology Infrastructure Library ITIL

وانتظروا المزيد في الدروس القادمة ان شاء الله

و لمزيد من الاستفسارات دا الاكونت بتاعي علي الفيس بوك 
https://www.facebook.com/Mohamed.abdalla25

م/ محمد عبد الله

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s